戀愛巴士
每天都乘坐同一路巴士上學，由官塘往藍田。
每天都乘坐同一路巴士回家，由藍田往官塘。
從某同學口中得知，明年地鐵藍田站將會通車。之前，真的想也沒有想過，地鐵站會落在「藍田」這種舊區。有些同學竟然已經計劃好，明年每天放學後的節目，可以乘地鐵到九龍灣溜冰、到尖沙咀逛街、到銅鑼灣買衫……真方便。
日日如事「愛上巴士」的我，已經計劃好，明年還是會日日如事，「愛上巴士」。因為，我不喜歡困在地底的感覺，不喜歡失去看風景的樂趣，還有……遇上她的機會。
日日如事……不過，今天有點不同，有一點點不同。
今天，我走到最後一排的座位，坐下來，推開了窗，享受清爽的微風。除了以上的習慣性舉動，我還有個習慣，就是看看各書法家留在每張椅背上的「墨寶」。在粗口及色情文學以外，其實還有些有趣的故事，例如﹕「劉志強真係好愛尹麗娟呀!」我喜歡在短短的車程中幻想「劉志強」是一個怎麼樣的人，而「尹麗絹」又有多可愛，可以令劉先生神魂顛倒呢……
我今天發現，在其中一張椅背，多了一句新的字句﹕「我好唔開心，佢地個個都係咁，個個都唔信我……唔信我未死。」我真的嚇壞了，幸好是大白天……
第二天，我竟然又坐上了同一輛雙層巴士，我知道是同一輛，因為再次看見同一句「我好唔開心，佢地個個都係咁，個個都唔信我……唔信我未死。」
不知道為何會這樣做，我，竟然在筆袋中拿出塗改液，在那一句的下面寫上「點解佢地唔信你呀? 你不如証明俾佢地睇啦。」我下了車才開始擔心，留言的人看過我的回應以後，走來証明給我看呢……
之後兩天，我也沒有遇上那輛巴士。再經過數天假期，這事件已經在我的腦海中慢慢退色了。
假期後的第一天放學，我因為課外活動而遲了點回家，到了入夜時份，我在回家的那程巴士上，再次看見我自己寫下的「點解佢地唔信你呀? 你不如証明俾佢地睇啦。」今次，下面還多了一句較長的回應。晚上的那程車，人數只有日間的一成，多種陰沈沈的條件下，令我真的不敢看下去……
過了一會，好奇心終於戰勝了恐懼感。原來，回應是﹕「我本來想嚇下人咋，因為自己好似隱左形咁，家人、朋友、同學都唔係好理我……算啦。係喎，你又會回應我既? 你係咩人黎架?」看過後，我立即鬆了口氣。之後，我在下面回應﹕「差點嚇壞了我呀! 其實我係聖言中學既中五學生，你呢?」
以後，這張椅背就成了我們的流動留言板。
「我叫玲玲，讀緊你對面間女校。唔知我有冇見過你呢?」
「我叫偉仔，可能我地見過好多次架喇! 哈哈! 妳係唔係仲係好唔開心呀? 笑番啦~」
「我已經好番好多喇，同家人關係都好番D喇。你呢，你好似好少講自己野喎。」
「我冇兄弟姊妹，同家人住在官塘好多年喇。最鍾意聽歌，睇戲。」
「我媽媽唔鍾意我出街架，所以好少睇戲。如果可以好似你咁成日睇戲就好喇。」
我們慢慢已經寫滿了一張椅背，再在前一張椅繼續交心。雖然，我們的對話不多，但其實我們已經相識了半年之久。
「其實我有一個生日願望，就係同喜歡既人去睇套戲，跟住同佢去海灘行下。」
其實，我看了她的生日願望已經很多次，但總是鼓不起勇氣回應，怕會嚇退了這位沒有見過面的「好朋友」。半個月後，我才拿起筆回應。
「妳幾時生日呀? 不過我陪妳睇戲呀! 當同妳做生日!」
之後，我每天都希望遇上我們的巴士，看看她的回應。
一天過去。
兩天過去。
三天過去。
一個星期過去。
已經連續十三日沒有她的消息。我想，應該真的嚇怕了她。
第十四天，她終於回應了﹕「對唔住，我其實真係好想同你去睇戲呀……不過，我生日已經過左喇。我見到你留言果日，就係我生日喇。仲有呀，我要搬喇，聽日就走，希望第日仲有機會同你傾計啦! 真係好開心多左你呢個朋友! 再見了……」
我當刻的心情很壞，亦心急如焚，希望她可以看到我最後的回應。我立即拿起筆﹕「我知我係太遲，但真係唔想突然冇晒妳消息。呢度係我地兩個人既唯一交流既地方，我真係好唔捨得呀!!!我電話係……我地址係……妳打俾我呀，寄信俾我呀……」
突然間，坐在我旁邊的一位女生說﹕「你唔捨得我，定係唔捨得個留言板呀?」
之後，我們一起笑著刪去椅背的「地址」、「電話」。
之後，她在手袋中拿出紙筆，記下我的「地址」、「電話」。
很多年之後，我們都用筆簽上自己的名字。
之後，她的名字前加上了我的姓氏。
之後……再過了很久之後我才知道，當年的她，在搬離官塘之前的一天，在這輛巴士逗留了數小時，無聊的來回很多次，就是希望等待我的「最後回應」。
老婆，多謝妳。這一生我也會陪妳繼續坐巴士。 上面講到好似鬼故咁- - 多謝o~~~~~
頁:
[1]