發表於 2007-3-6 10:39:28

★∮ 12星座誰是最好的聆聽者?∮★

★∮ 12星座誰是最好的聆聽者?∮★

人生不如意事十常八九,如果唔開心想搵個朋友傾下,搵邊個星座會好d呢?


★巨蟹座
★雙魚座

∼ 身同感受型
如果你覺得自己需要一個身同感受咁去關心你的人,你覺得呢一刻好需要得到別人的認同,就最好搵巨蟹座同雙魚座的朋友訴苦。佢兩個會好認真咁去分擔你的煩惱,會覺得你好慘好慘,隨時聽完可能喊得仲大聲過你添!巨蟹座會用佢天生的母愛來關懷你,而雙魚座呢,佢就會用佢d悲天憫人嘅心腸來為你難過。佢呢款身同感受的傾訴對象就最適合用於純粹想搵人認同兼可憐你的朋友,但係如果你想搵人畀意見,就千祈咪搵呢兩個星座,你會越傾越心煩!







★山羊座
★水瓶座

∼ 只管聽冇意見型
如果你想搵個人出來聽你訴苦,仲要係只管聽不要問不要畀意見,對啦!記得搵山羊座同水瓶座呢兩個星座喎!首先既然你call得佢出來訴苦,身為你朋友嘅佢絕對唔會拒絕,佢會好安靜咁聽你講,見你喊到流晒眼淚鼻涕,佢會好識做咁為你遞上紙巾,對於你的提問同申訴佢會用「嗯!嗯!」作回應,亦都唔會借題發揮入位講自己d嘢,基本上同個會發聲嘅毛公仔冇乜分別,不過如果你需要一d有血有肉嘅安慰說話,呢兩位老友就唔係咁適合囉!







★白羊座
★獅子座

∼ 熱熾燃燒型
如果你覺得屈住啖氣好辛苦,你要搵個人陪你響山崖對住個大海大叫,搵佢兩個啦!白羊座同獅子座!佢兩個係嗰種同一個鼻窿出氣兼且火滾過你的聆聽者,你數一樣不是,佢會和應你之餘再加上三倍例子!你鬧到火紅火綠,佢直頭鬧到青筋現埋添!佢唔會過問你有冇唔好的地方,只會一鼓作氣咁同你發洩你嘅不滿,同佢哋一齊會令你度氣好快消失,當然純屬發洩同得啖笑,完全冇乜效益,如果需要一d認真意見的話,就千祈咪搵佢兩個啦!







★處女座
★天蠍座

∼ 冷嘲熱諷型
如果你份人犯賤又或者你覺得自己需要畀人踐扁再企返起身,搵處女座同天蠍座兩個啦!佢兩個唔係冇同情心,只係佢兩個較為鍾意發掘人唔正確嘅一面,所以就算你喊得幾慘同佢訴苦,佢會傾向指責你唔著嘅地方,簡直係雪上加霜。處女座會指住你話你唔好,佢會講到連你自己都覺得自己抵死;至於天蠍座雖然佢唔會好似處女座咁直斥其非,不過佢會用d不屑嘅眼神望住你,攪到你好無癮,所以一旦你係心血少d、把持力少d,都千祈咪搵佢兩個呀!







★人馬座
★天秤座

∼ 辣手判官型
如果你為人中肯,你需要搵個旁觀者用冷靜的態度去分析吓件事,搵佢兩個啦,人馬座同天秤座!佢兩個不嬲出晒名為人中肯,人馬座最講道理,佢會認真從「對與錯」的角度去分析到底係邊個唔著;至於天秤座為人較為鍾意從兩方面出發睇事物,佢唔會因為係你講而偏坦你,所以呢兩位老友最適合作為一d冷靜的人的訴苦對象,相反,如果你純粹想搵個人訴下苦、發洩一下就千祈咪搵佢兩個,唔係佢兩個你一句、我一句係咁話你唔著,你都咪話冇癮呀!







★雙子座
★金牛座

∼ 轉你話題型
如果你較為鍾意玩逃避現實,唔開心嘅事唔想再多提,你就一定要搵雙子座同金牛座傾吓!講到訴苦佢兩個唔係唔想聽,不過又真係唔多會認真去聽,雙子座會當係趣聞咁聽,聽到悶佢會好巧妙咁轉話題;金牛座仲勁,佢一邊聽你講一邊會覺得呢d係人生小考驗,覺得自己仲慘啦!講下自己d經驗,講下d朋友d經驗,講下講下扯到無雷公咁遠。所以想盡快忘記不快的人記得搵佢兩個,但係想搵人傾訴下訴下苦的就咪搵佢兩個!

發表於 2007-3-6 10:39:45

★處女座
★天蠍座

∼ 冷嘲熱諷型
如果你份人犯賤又或者你覺得自己需要畀人踐扁再企返起身,搵處女座同天蠍座兩個啦!佢兩個唔係冇同情心,只係佢兩個較為鍾意發掘人唔正確嘅一面,所以就算你喊得幾慘同佢訴苦,佢會傾向指責你唔著嘅地方,簡直係雪上加霜。處女座會指住你話你唔好,佢會講到連你自己都覺得自己抵死;至於天蠍座雖然佢唔會好似處女座咁直斥其非,不過佢會用d不屑嘅眼神望住你,攪到你好無癮,所以一旦你係心血少d、把持力少d,都千祈咪搵佢兩個呀!

a2598927 發表於 2007-3-11 17:39:27

多謝o~~~~

woodywong 發表於 2007-6-15 12:40:22

★雙子座
★金牛座

∼ 轉你話題型
如果你較為鍾意玩逃避現實,唔開心嘅事唔想再多提,你就一定要搵雙子座同金牛座傾吓!講到訴苦佢兩個唔係唔想聽,不過又真係唔多會認真去聽,雙子座會當係趣聞咁聽,聽到悶佢會好巧妙咁轉話題;金牛座仲勁,佢一邊聽你講一邊會覺得呢d係人生小考驗,覺得自己仲慘啦!講下自己d經驗,講下d朋友d經驗,講下講下扯到無雷公咁遠。所以想盡快忘記不快的人記得搵佢兩個,但係想搵人傾訴下訴下苦的就咪搵佢兩個!

@vanessa@ 發表於 2007-7-10 13:38:57

∼ 冷嘲熱諷型
如果你份人犯賤又或者你覺得自己需要畀人踐扁再企返起身,搵處女座同天蠍座兩個啦!佢兩個唔係冇同情心,只係佢兩個較為鍾意發掘人唔正確嘅一面,所以就算你喊得幾慘同佢訴苦,佢會傾向指責你唔著嘅地方,簡直係雪上加霜。處女座會指住你話你唔好,佢會講到連你自己都覺得自己抵死;至於天蠍座雖然佢唔會好似處女座咁直斥其非,不過佢會用d不屑嘅眼神望住你,攪到你好無癮,所以一旦你係心血少d、把持力少d,都千祈咪搵佢兩個呀!

飛天浪 發表於 2007-8-5 17:45:31

★山羊座
★水瓶座

∼ 只管聽冇意見型
如果你想搵個人出來聽你訴苦,仲要係只管聽不要問不要畀意見,對啦!記得搵山羊座同水瓶座呢兩個星座喎!首先既然你call得佢出來訴苦,身為你朋友嘅佢絕對唔會拒絕,佢會好安靜咁聽你講,見你喊到流晒眼淚鼻涕,佢會好識做咁為你遞上紙巾,對於你的提問同申訴佢會用「嗯!嗯!」作回應,亦都唔會借題發揮入位講自己d嘢,基本上同個會發聲嘅毛公仔冇乜分別,不過如果你需要一d有血有肉嘅安慰說話,呢兩位老友就唔係咁適合囉!

legelon 發表於 2007-11-27 22:09:53

雙子座
★金牛座

∼ 轉你話題型
如果你較為鍾意玩逃避現實,唔開心嘅事唔想再多提,你就一定要搵雙子座同金牛座傾吓!講到訴苦佢兩個唔係唔想聽,不過又真係唔多會認真去聽,雙子座會當係趣聞咁聽,聽到悶佢會好巧妙咁轉話題;金牛座仲勁,佢一邊聽你講一邊會覺得呢d係人生小考驗,覺得自己仲慘啦!講下自己d經驗,講下d朋友d經驗,講下講下扯到無雷公咁遠。所以想盡快忘記不快的人記得搵佢兩個,但係想搵人傾訴下訴下苦的就咪搵佢兩個!
頁: [1]
查看完整版本: ★∮ 12星座誰是最好的聆聽者?∮★