[轉帖] 長洲靈異事件，真人真事!!
今次講既都係有關長洲東灣既一D靈異既事。先講一個有關以前幫我補習既MISS佢外甥到長洲玩既經歷。因為事件發生左太耐了,正確時間真係唔記得左,大約係十一、二年前夏天,佢地大約六七個人去長洲玩,如果以前你地有去過長洲東灣的話,應該記得個個籃球場,而籃球場附近就有一個遊樂場,有滑梯,揪千等,還有一個半圓鵝蛋形比人損來損去既設施,而我細個時仲試過係裹面柯尿tim^^。而個幾個人行過此處時,我Miss個外甥就多口講左句,話鵝蛋形既設施好似一個墓,而我宜家諗返起又確實有D似嘅。當佢地望一望之後就繼續行,行到去觀音灣個邊再行上山,然後再折返。但係當佢地再經過遊樂場時,多口個位青年突然暈到,之後佢既朋友就報警,叫救護車送到佢去直升機場再坐直升機送去瑪麗醫院。到左醫院之後,佢一直無醒過,而醫生經過一個月時間都發現唔到佢身體上有咩毛病,只係講佢已經成為植物人。佢既家人當然好傷心,佢地用左好多方法想令佢醒返,試過中醫、西醫、針炙等,但係一D起色都無。後來佢地就諗到會唔會撞邪,結果我Miss就比左Ｄ意見佢,因為佢知我係半個長洲人,而我爺爺、嫲嫲係住長洲既,就問左我媽咪一Ｄ意見,我媽咪就表示我嫲嫲認識一Ｄ對靈異事件可以有幫助既人,之後我媽咪就帶同我Miss和個位出事青年既家人,到長洲探訪我嫲嫲。而我嫲嫲係一個好好心地既人,知道有此事之後都為佢地難過,之後就打電話比個位相熟既術士。相約左幾位術士出來之後,術士問完個位青年既時辰八字之後,就話佢講錯說話所以比靈體攪,而佢家人就問有咩方法可以令佢醒返,術士就叫佢地去遊樂場到,燒點衣紙,然後講出個位青年既名字,話佢知道自己講錯說話,現在向(你)道歉,叫(他)大人有大量等說話,之後大家就照做,而青年既媽媽還哭了出來呢。當大家做了所有東西之後便離開長洲了。過了一天,我媽咪接到一個電話,係青年既媽媽打過來的,佢哭着對我媽咪說,話佢做左兩個月植物人既仔醒返,好多謝我地幫佢,更到長洲找我嫲嫲感謝一番,再到遊樂場燒多一次衣燒以示謝意。之後個位青年就行得走得,咩事都無,而所有幫佢既醫生都話奇,因為成為植物人後會醒返既機會係近附零。後來兩年後我Miss移民左去美國,現在個位青年怎樣就不知道了。還有一點要告訴大家,個遊樂場既設施已經唔同以前la,個(墓)已經無左la。 點解會無左既..好想去睇= =
頁:
[1]