去BBQ時一定要試
[燒朱古力香蕉]
1. 將蕉皮撕開少少，然後塞幾粒純朱古力入去蕉皮與蕉肉之間的位置
2. 將蕉皮蓋上，用錫紙包好，再放在火推旁燴十五分鐘
點食好？朱古力和蕉肉被燒成半熔狀態，兩種味道加起來，真係冇諗過咁好食！
注意：純朱古力粒要整成細細粒，因為太大粒會好難熔。另外，將放朱古力一面擺向火，效果就會更加好。
[燒牛油冬菇]
1. 用大大隻的鮮冬菇，塗上大量牛油
2. 用錫紙包好放在火推旁燴十五分鐘
點食好？如果你一向都喜歡食鮮冬菇，這種食法就真係一流！牛油的香味與鮮冬菇鮮味簡直是絕配。 如果你喜歡蒜茸味，加上蒜茸一起燴味道亦好好。
注意： 冬菇都幾易燒焦，所以要加倍留意火候。
[燒芝士茄子]
1. 將茄子切成一舊舊，然後舖上適合大小的片裝芝士
2. 將茄子燒成金黃色，就可以挖茄子肉出來食
點食好？茄子肉好軟、好滑、好鮮味，加上芝士的香味，嘩！好味！
注意： 芝士未熔之前，好容易會離茄子而去，所以燒的時候要睇實佢！
[燒薯皮]
1. 事前要將薯仔出水，再切片（話明燒薯皮，當然每片都要保留薯皮啦！）
點食好？ 一個字，「香」！如果你喜歡甜味，塗上蜜糖燒一樣咁正！
注意： 將薯仔出水時要適可而止，因為出水時間太長，薯肉就會太軟，燒的時候薯皮就好容易斷。 |
發表於 2005-7-8 21:58:03
樓主