美國NBA鳳凰城太陽隊某球員殺人事件﹗

gameboycs

美國鳳凰城(ARIZONA)某一棟大廈的單位內發現兇殺案.  單位係四個人分租﹐死者係其中一個.  所以其余三人就最有嫌疑.  警方分別找過三人問話. 但每人都有不在場證據.  警方好頭痛﹐不如大家幫幫手......
                                    證實死者被殺時間係中午12點正.  (即係話兇手12點正一定要響現場)

MARION:   "果日我地三個(疑犯)早上10點同時出門.  NASH車到我去機場就走左.  鳳凰城機場方面有我下午12:30登機既記錄.  由兇案現場到達機場開車最快都要40分鐘(回程一樣),所以我冇可能係兇手".

DIAW:   "果日出門之後我就直接去左太陽隊訓練營.  除左11:40至12:20呢段時間我一個人出左去食飯之外﹐其他時間都有球員同教練證明我響訓練營. 由兇案現場到達訓練營開車最快都要25分鐘(回程一樣)﹐ 時間一D都唔吻合﹐咁我又有咩理由係兇手呢".

NASH:   "果日我送完MARION去機場之後就返左去屋企(兇案現場)執行李準備過賭城.  返到去係11:30.  拿拿臨執幾件野就走喇.  記得走果陣係11:45分.  死者當時仲生歐歐咁祝福我叫我贏多D.   唉...估唔到返黎就....... ".    "由兇案現場開車去拉斯維加斯(NEVADA)我所住既酒店最快都要5個鐘(警方已證實NASH係開車去既).  我到達酒店CHECK IN 既時間係下午4:50.  搞掂晒手續之後就一直賭到深夜.  酒店方面可以作證.   試問我點會係兇手呢".

banana1012

只有MARION在11:46-12:29沒有不在場證據,這段時間足夠他從兇案現場去到機場
犯案手法不知道

chickenisflying

???is what?